SAGITTARIUS
THE BOWMAN - NOVEMBER 22 - DECEMBER 21
BIRTHSTONE: TURQUOISE o ZIRCON
BIRTHFLOWER: HOLLY o POINSETTIA
COLORS: MAUVE, INDIGO AT GREEN
RULING PLANET: JUPITER

BEST MARRIAGES: ARIES, GEMINI, LEO, LIBRA kung minsan sariling sign.

EARLY PERIOD: Sa pagiging aktibo at masayahing ugali ng Sagittarius at ang pisikal na katangian ng Scorpio makikita mo sa early period na ito ang pagiging energetic na hindi kayang tumbasan ng kahit na anong sign. Magaling mangalap ng kaalaman ang nasa period na ito at alam kung saan gagamitin. Dahil sa katangiang pagkakaroon ng talino at malusog na pangangatawam at walang kapagurang personalidad, nagiging matagumpay ang mga ito. Kayang dalahin ang mabigat na problema pero nagpapakita ng control na nagiging sanhi ng pagsunod ng kanilang pagiging kalmado at layunin. Kapag hindi nangyari, hindi sila nagtatagumpay.

LATE PERIOD: Dito sa period na ito makikita ang intelektuwal na katangian ng bowman. Mas papalapit sa sign ng Capricorn, mas lalong makikta rito ang pagkahilig sa kultura at pilosopiya. Hindi sila madaling makuntento sa pisikal p komersiyal na tagumpay. Kailangan nga lamang ng magplano ng maaga para sa mataas na ambisyon at may kinalaman sa edukasyon. At talagang makakamit ang mga pangarap maging ang mga bituin.

POSITIVE TRAITS: Naniniwala ang Sagittarian sa rule na “honesty is the best policy” at ito ay kanilang sinusunod. Dahil sa pagiging independent at carefree, nakakatulong kung minsan ang ganitong pag-uugali sa iba. Hindi kailanman naiinggit at maligaya kapag nagtatagumpay ang kanilang kaibigan. Tapat sa kanilang salita at dahil sa pagiging honest, kung minsan ay nagiging brutally frank. Madaling magpatawad at hindi nanunumbat, seldom critical at palaging generous. Mayroong ugaling masayahin kung kaya’y hindi apektado sa problema ng ibang tao. Maraming tao ang humahanga at malaki ang respeto sa kanila ng ibang tao dahil sa mataas na patakaran nila sa kanilang buhay. Hindi sila naniniwala sa pagpapanggap.

NEGATIVE TRAITS: Kung minsan, dahil sa pagiging tapat sa kanilang sasabihin, hindi nila namamalayan na nakakasakit na pala sila ng damdamin ng kapwa nila. Nagagalit sila kapag nami-misunderstood sila ng ibang tao. Ang iba sa sign na ito at tackless at masakit magsalita. Kung minsan naman ay hindi marunong humawak ng pera. Marami ring sinasayang na oras at hindi mapakali sa isang lugar ang Sagittarian.

Ang mga taong ipinanganak sa signos na SAGITTARIUS ( Birthstone: Turquoise; Bulaklak: Poinsettia o Holly at Narcissus; Kulay: Mauve, Indigo at berde). Tulad sa simbolo nilang mamamana, kapag may inaasinta silang layunin o adhikain sa buhay ay pinagbubuhusan nila iyon ng kanilang buong atensyon at enerhiya. Single mindedness of purpose ang isa sa kanilang pinakatampok na katangian na maipagkakakapuri mo sa kanila. At bihira silang malihis o ma-distract dito. Malaya ang kaluluwa at kaisipan ng isang Sagittarian. Masigla, palaaral, hindi pabaya sa kalusugan at mataas ang pangarap. Masayahin siya pero seryoso pagdating sa sariling paninindigan. Ang kanyang prinsipyo: Honesty is the best policy. Ang pinagmanahan niya ay si Chiron, isang immortal nainihandog ang sariling buhay upang iligtas si Promethus, ang Titan (higante) na nagnakaw ng apoy sa Olympus at ibinigay iyon sa tao. Isang centaur si Chiron, tao ang kalahati ng katawan at ang kalahati ay kabayo, na dinakila dahil sa kanyang kabaitan at pagpapakasakit. Mahusay manumit ang isang Sagittarian at mahilig din sa alahas. Pero sa likod ng superfluity na ito ay ang personalidad na determinado at hindi pabagu-bago ng pasiya. Isa rin sa mga katangian ng Sagittarian ay ang pagiging tapat. Kung minsan ay tahasan siya kung magsalita at walang pakialam kahit makasakit pa ng damdamin. Ayaw niya ng pagkukunwari at kaplastikan. Marami sa mga Sagittarian ang may ugaling matipid na maaaring maipagkamali sa kakuriputan ng iba. Ang totoo’y maingat lang sila sap era. Pero kung tunay na mahalaga ang kanilang nilalakad o inaasinta, walang problema sa kanila ang gumastos. Jupiter ang ruling planet ng Sagittarius. Sa mitolohiyang Romano, si Jupiter ang pinakamakapangyarihang diyos, ang hari ng Olympus. Ang katumbas niya sa mitolohiyang Griyego ay si Zeus. Siya ang patron ng mga makata, manunugtog at iba pang mga mahilig sa sining o arte. Bilang Hari noong kanyang panahon, siya ay mapagkawanggawa, mahilig sa palakasan, magiliw sa mga bata at mahilig sa anumang uri ng kasiyahan. Pero sa kabila nito, may reputasyon din si Jupiter na sumpungin, makasarili at mapaghabol sa mga babae.